Майк Тайсан прарэкламаваў новы альбом The Black Keys (тызер)
Знакаміты баксёр апублікаваў у сваім Твітары назву пласцінкі і размясціў тызер да яе.
Новы альбом The Black Keys з назвай "Turn Blue" выйдзе 13 траўня. Першым гэтую навіну свету перадаў баксёр Майк Тайсан, менавіта праз яго акаўнт у Твітары музыкі вырашылі распавесці навіну.
Размешчанае на YouTube відэа ніякім чынам не адлюстроўвае гучання новай пласцінкі амерыканскіх рокераў. Чакаецца, што першы сінгл да альбома, "Fever", будзе анансаваны ў самы бліжэйшы час.
Дарэчы, The Black Keys стануць хэдлайнерамі сёлетняга Open’er Festival 2014, які пройдзе ў польскай Гдыні 2-5 ліпеня.
Фота: kippvintage.com