Беларусы не хочуць класці рублі пад працэнты
Паводле Нацбанку, на 1 ліпеня тэрміновыя рублёвыя дэпазіты фізічных асобаў скараціліся на 71,8 мільярда і склалі 22,9 трыльёна рублёў.
З пачатку года ў краіне адзначаўся пастаянны рост рублёвых укладаў насельніцтва. Аднак на фоне зніжэння стаўкі рэфінансавання беларусы цяпер неахвотна кладуць грошы на дэпазіт, бо прыбыткі па рублёвых укладах змяншаюцца.
Цягам сакавіка-чэрвеня Нацбанк знізіў стаўку рэфінансавання з 30% да 23,5%, нагадвае БелаПАН.
У ліпені стаўка не змянілася. Як мяркуюць спецыялісты Нацбанку, сезоннае падвышэнне попыту насельніцтва на замежную валюту робіць мэтазгоднай жорсткую грашова-крэдытную палітыку.
