У Італіі — землятрус, у Францыі — уцечка радыяцыі на АЭС
Землятрус магнітудай 5,3 адбыўся ў ноч на пятніцу ў паўднёвай італьянскай вобласці Калабрыя.
Як паведамляе агенцтва "Франс Прэс", ахвярай землятрусу стаў як мінімум адзін чалавек. Reuters інфармуе, што ў гарадку Мармана была эвакуяваная бальніца, бо ў сценах будынка з'явіліся расколіны.
Трывожныя звесткі прыйшлі і з Францыі, дзе адбылася ўцёчка радыяцыі на АЭС "Фламанвіль" на паўночным захадзе краіны. Рэактар неадкладна быў пераведзены ў стан халоднага спынення.
Ва ўпраўленні па ядзернай бяспецы паведамілі, што ўцечка адбылася з-за "разбурэння шкла вымяральнай прылады". Супрацоўнікі АЭС не пацярпелі.
Фота — ojocientifico.com
