Збітага ў метро інваліда выпісалі з бальніцы, але ён не можа гаварыць
Як паведамілі Еўрарадыё ва ўпраўленні Следчага камітэта па Мінску, пацярпелы выпісаны з бальніцы і знаходзіцца дома.
Але ён не можа даваць паказанні. Па словах маці пацярпелага, мужчына не можа гаварыць. З-за гэтага пакуль няма ніякіх зрухаў па справе.
Было дапытана шмат людзей, але многія не змаглі даць канкрэтныя сведчанні і не праходзяць як сведкі па справе. Таму следчыя працягваюць шукаць відавочцаў.
Еўрарадыё таксама адшукала сведку падзеяў і просіць адгукнуцца тых, хто нешта бачыў.
