11:03 Расіяне расчараваліся ў Лукашэнку
Сацыёлагі дазналіся, як змянілася
стаўленне расіян да Беларусі з тых часоў, як нашы краіны перажылі крызіс
адносін.
Па звестках Усерасійскага цэнтра вывучэння грамадскай думкі, больш за
ўсё пацярпела эмацыйнае ўспрыманне беларускага прэзідэнта.
У верасні мінулага
года Лукашэнка выклікаў у расіян хутчэй пазітыўныя пачуцці, чым негатыўныя.
Цяпер гэтыя суадносіны зраўняліся. З 19 да 15% скарацілася колькасць жыхароў
Расіі, якія з павагай ставяцца да Лукашэнкі, а колькасць тых, хто ім
захапляецца, — да 1%.
Недавер расіян да нашага прэзідэнта, наадварот, павялічыўся
(з 28 да 35%). Больш за палову рэспандэнтаў у
Расіі лічаць, што калі ў Мінску пачнецца "аранжавая рэвалюцыя", іх краіне лепш не
ўмешвацца. Два гады назад такіх было 40%.
Частка тых, хто лічыць, што трэба
падтрымаць у гэтым выпадку Лукашэнку, знізілася з 24 да 12%.
