12:19 Максім Мірны і Ёнас Б'ёркман прайгралі ў паўфінале

Максім Мірны і Ёнас Б'ёркман завяршылі выступленне на тэнісным турніры серыі "Мастэрс" у Індыян-Уэлсе (Каліфорнія, ЗША). 16 сакавіка "пасеяная" пад першым нумарам беларуска-шведская пара прайграла пятаму дуэту спаборніцтваў — Марціну Даму (Чэхія) і Леандэру Паесу (Індыя) — 2:6, 7:6 (7:5), 10:12 (тай-брэйк).

У мінулым сезоне Мірны і Б'ёркман чатыры разы сустракаліся з гэтымі сапернікамі і атрымалі дзве перамогі.