12:47 Адкрыўся саміт Еўрасаюзу

"Еўрасаюз павінен стаць сусветным лідарам", - заявіў напярэдадні старшыня Еўракамісіі Жазэ Мануэл Барозу. Саміт Еўрасаюзу вызначыць свае энэргетычныя мэты. Кіраўнікі Саюзу пераследуюць канкрэтную мэту – доля аднаўляльнай энэргіі мае павялічыцца да 20%, а выкід парніковых газаў у атмасфэру павінен скараціцца таксама на 20%.


Таксама кіраўнікі 27 краінаў Саюзу абмяркуюць юбілейную дэкларацыю, прысвечаную 50- годдзю Еўрасаюзу.


Бэрлінская дэкларацыя, якая будзе прынятая 25 сакавіка, мае пацвердзіць адзінства Еўрасаюзу і волю сябраў да прыняцця Еўраканстытуцыі.


“Еўрасаюз павінен стаць сусветным лідарам, -- заявіў напярэдадні старшыня Еўракамісіі Жазэ Мануэл Барозу. – Масква, Вашынгтон і Пэкін будуць аналізаваць вынікі саміту”.