12:54 Супрацьракетныя сістэмы ў Еўропы не пагражаюць Расіі

Пастаянны прадстаўнік Расіі пры НАТА Канстанцін Тоцкі заявіў, што антыракетны шчыт, які ЗША маюць усталяваць ва Усходняй Еўропе, не нясе вялікай пагрозы Расіі. “Я абсалютна перакананы, што Расія не намерваецца і ня будзе змагацца з Амерыкай і Еўропай. А Іран ня можа.


Вайны на тэрыторыі Еўропы ня будзе”, – заявіў у прыватнасці расiйскі прадстаўнік. Адначасна ён пацвердзіў, што расійскія генералы занепакоеныя амерыканскай супрацьракетнай сістэмай.


Нагадаю, што ў студзені Вашынгтон прапанаваў Польшчы і Чэхіі размясціць у гэтых краінах супрацьракетныя сістэмы.