13:01 Егіпцянка патрабуе разводу пасля сямейнай здрады ў Інтэрнэце

На судзе жанчына паскардзілася, што муж па начах заігрывае з віртуальнымі жанчынамі. Ён бавіць у Сеціве ўвесь вольны час, а з жонкай кантактуе толькі па электроннай пошце. Па словах жонкі, яна трывала такое жыццё 5 гадоў, пакуль муж зусім не перастаў з ёй размаўляць. Егіпецкі суд па сямейных пытаннях не наважыўся развесці сужэнцаў.

Прычынай стала тое, што муж не з’явіўся на судовае паседжанне. Цяпер усе позвы ў суд яму вырашылі адпраўляць па электроннай пошце.