14:58 Аляксандр Мілінкевіч наведаў Паўла Севярынца

Падчас сваёй двухдзённай паездкі па Віцебскай вобласці былы кандыдат у прэзыдэнты Аляксандар Мілінкевіч наведаў моладзевага актывіста Паўла Севярынца, які адбывае пакаранне у вёсцы Малое Сітна Полацкага раёна.

 Па словах Мілінкевіча, ён меркаваў маральна падтрымаць Паўла, але атрымалася так, што сам атрымаў ад яго маральную падтрымку.

У суботу палітык сустрэўся з грамадскімі актывістамі Віцебшчыны ў вёсцы Германовічы Шаркаўшчынскага раёна, а ў нядзелю ў Віцебск на сустрэчу з Мілінкевічам сабраліся прадстаўнікі Полацка, Наваполацка, Чашніцкага і Гарадокскага раёнаў.

Гаворка на сустрэчах ішла пра мэты і задачы руху “За Свабоду!”. Рух аддае перавагу рэгіёнам, дзе будзе ажыццяўляць праграмы па інфармаванню, абароне людзей, фіксацыі парушэння законнасці з боку ўладаў.

Мілінкевіч адзначыў таксама, што пакуль не атрымаў адказу на свой ліст да Аляксандра Лукашэнкі, але не стаціў гатоўнасці супрацоўнічаць з уладай.