15:10 У Мінску з’явяцца прысады сакуры
Сёлета ў Мінску
будзе закладзеная алея горнай сакуры. Пра гэта карэспандэнту БЕЛТА распавялі ў
аддзеле пратаколу і замежных сувязяў Мінгарвыканкаму.
Закладанне алеі з
нацыянальнага сімвала Японіі
адбудзецца падчас святкавання Дзён горада Сендай у беларускай сталіцы, якое
пройдзе ў траўні. Па словах адмыслоўцаў, у складзе японскай дэлегацыі будзе больш за 100
прадстаўнікоў горада-пабраціма Мінска.
130 саджанцаў
сакуры Мінск атрымаў у падарунак ад Сендая яшчэ ў траўні мінулага году. Цягам апошніх
месяцаў дрэвы праходзілі
праверку на заражанасць хваробамі і шкоднікамі.
