16:11 У Грузіі не спыняецца снегапад

Рэзкае паніжэнне тэмпературы адбылося ў панядзелак на тэрыторыі Грузіі, практычна ва ўсіх рэгіёнах краіны не спыняецца снег з дажджом.
Як паведамілі ў Гідраметцэнтры Грузіі, сярэдняя тэмпература паветра апусцілася да 5 градусаў, што з'яўляецца для гэтага часу года анамальнай з'явай, хоць па назіраннях у апошнія 100 гадоў у красавіку тэмпература апускалася і ніжэй за гэтаы ўзровень.

Метэаролагі чакаюць у ноч на аўторак замаразкі ва ўсходняй Грузіі. Паляпшэнне надвор'я чакаецца толькі з 21 красавіка.

“Інтэрфакс”