16:58 Паводка пагражае 88 населеным пунктам Беларусі
У зону веснавой
паводкі, якая зараз набірае моц на поўдні Беларусі, могуць патрапіць больш за 2
тысячы чалавек. Пра гэта са спасылкай на начальніка Рэспубліканскага цэнтра
кіравання і рэагавання на надзвычайныя сітуацыі Пятра Семяновіча паведамляе
інфармагенцтва “Интерфакс”.
У басейне ракі Прыпяць і яе левабярэжных прытоках
пры дасягненні максімальных узроўняў веснавога разводдзя магчымыя частковыя
падтапленні падворкаў і будынкаў у 45 населеных пунктах.
У басейне Бярэзіны
рака можа паглынуць 17 хутароў і вёсачак, дзе пражываюць 386 чалавек. На рацэ
Сож пры дасягненні максімальнага ўзроўня вады магчымыя падтапленні ў 26
населеных пунктах з агульным насельніцтвам 167 чалавек. А вось Заходні Буг і
Нёман, згодна з прагнозамі, сёлета нічога не падтопяць.
