8 сакавіка Зміцер Вайцюшкевіч павіншуе ўсіх жанчынаў свету
Сёння, 8 сакавіка адбудзецца святочны канцэрт Змітра Вайцюшкевіча і WZ-Orkiestra.
Як паведаміў БелаПАН адзін з яго арганізатараў Віталь Супрановіч, музыканты сыграюць вялікую праграму і са сцэны павіншуюць усіх жанчынаў свету адразу. Вайцюшкевіч традыцыйна ладзіць канцэрты, прымеркаваныя да Калядаў, Дня закаханых, 8 сакавіка ды іншых папулярных святаў.
Гурт WZ-Orkiestra ("Усход-Захад аркестар") грае ў стылях world music, рэтра, гарадскога шансону, рока, аўтарскай песні, актыўна супрацоўнічае з беларускімі і замежнымі выканаўцамі.
