Абвінавачваных па справе аб "масавых беспарадках" ужо 37

Арцём Грыбко стаў 37-м абвінавачваным па справе аб "масавых беспарадках". Пра гэта праваабарончаму цэнтру "Вясна" паведамілі сваякі 22-гадовага арыштанта, які дадзены момант знаходзіцца ў СІЗА на вуліцы Валадарскага.

Грыбко быў затрыманы 19 снежня на плошчы Незалежнасці, пасля чаго адбыў 10 сутак адміністратыўнага арышту. 12 студзеня быў затрыманы паўторна — ужо па справе аб "масавых беспарадках".