Ад пачатку года ў Беларусі патанула 820 чалавек
За мінулы тыдзень у Беларусі патанула 73 чалавекі, у тым ліку чацвёра дзяцей, паведамляе БелаПАН са спасылкай на рэспубліканскае таварыства ўратавання на водах. Паводле інфармацыі Асвод, ад пачатку года па 1 жніўня цераз траплянне вады ў дыхальныя шляхі загінула 820 беларусаў. У сувязі з тым, што надвор’е чакаецца спякотнае, ратавальнікі заклікаюць выконваць меры засцярогі ў часе купання, а таксама сачыць за бяспекай дзяцей. Прычына большасці здарэнняў у парушэнні правілаў бяспечных паводзінаў на вадзе, адзначаюць спецыялісты. Акрамя таго, шмат хто з тапельцаў знаходзіўся ў нецвярозым стане.
