Адкрыецца першы кансультацыйна-інфармацыйны цэнтр па аграэкатурызме
Беларускае грамадскае аб'яднанне "Адпачынак на вёсцы" пры падтрымцы Міністэрства спорту і турызму і АБСЕ адкрые першы ў Беларусі кансультацыйна-інфармацыйны цэнтр па аграэкатурызме. Пра гэта БелаПАН паведаміла старшыня праўлення БГА "Адпачынак на вёсцы" Валерыя Кліцунова.
Паводле яе слоў, на пастаяннай аснове цэнтр будзе аказваць падтрымку гаспадарам сельскіх сядзібаў і спецыялістам аддзелаў па фізічнай культуры, спорце і турызме ў абласцях і Мінску.
Супрацоўнікі цэнтра будуць кансультаваць і праводзіць семінары па стандартах працы аграэкатурыстычнай галіны, ажыццяўляць інтэрнэт-браніраванне сельскіх сядзібаў. Плануецца таксама выданне і распаўсюджванне неабходнай метадычнай літаратуры.
