Ахмед Закаеў будзе чакаць рашэння польскіх улад аб экстрадыцыі на волі

Ахмед Закаеў вызвалены без залогу і паручыцельства. Рашэння польскіх улад аб экстрадыцыі ў Расію ён будзе чакаць на волі. Пытанне аб лёсе кіраўніка ўраду Чачэніі ў выгнанні вырашалася напярэдадні да позняга вечара, канчатковы вердыкт быў прыняты за зачыненымі дзвярыма, паведамляе Першы тэлеканал.  Нагадаем, Ахмед Закаеў прыехаў у польскую сталіцу на Трэці Сусветны кангрэс чэчэнскага народа. На форум ён так і не трапіў — быў затрыманы па дарозе ў акруговую пракуратуру Варшавы, дзе меў намер даць паказанні.

Абвінавачанне настойвала на арышце Закаева на тэрмін да 40 дзён. Суддзі, аднак, вызвалілі яго, спаслаўшыся на пастанову брытанскага суда, які сем гадоў назад прысвоіў Закаеву статут уцекача.

Расія аб'явіла былога палявога камандзіра ў міжнародны вышук яшчэ ў 2002 годзе, абвінавачваючы яго ў забойстве, тэрарызме і захопе закладнікаў.