Акцыя салідарнасці ў Мінску завяршылася без затрыманняў

Акцыя салідарнасці з сем'ямі зніклых палітыкаў і палітзняволенымі на Кастрычніцкай плошчы Мінска ўвечары 16 студзеня доўжылася каля паўгадзіны і завяршылася без інцыдэнтаў і затрыманняў. Як і заўсёды прыкладна ў 18 гадзін каля 50 ўдзельнікаў акцыі сталі ўздоўж праспекта Незалежнасці з партрэтамі Юрыя Захаранкі, Віктара Ганчара, Дзмітрыя Завадскага, Арцёма Дубскага, Мікалая Аўтуховіча і Уладзіміра Асіпенкі, разгарнулі транспаранты і бел-чырвона-белыя сцягі, паведамляе БелаПАН.

Прысутныя выкрыквалі лозунгі "Свабоду палітвязням!", "Жыве Беларусь!", "Верым, можам, пераможам!", "Свабоду Дубскаму!", "Свабоду Асіпенку!".