Ала Цупер вырашыла пакуль не развітвацца са спортам
Пра гэта беларуская фрыстайлістка, чэмпіёнка Алімпіяды-2014 заявіла ў інтэрв’ю “Советской Белоруссии”.
“Спачатку я сапраўды хацела закончыць кар’еру адразу пасля Гульняў. У мяне ж нават у Сочы практычна ўсе інтэрв’ю пачыналіся словамі: “Гэта ўжо ваша пятая Алімпіяда…”. А потым падумала: “Ну і што, што пятая?”. Не, да шостай я наўрад ці даскокну, але калі адчула ўпэўненасць, калі атрымліваецца, то чаму б годзік-другі не паскакаць? Зладзіць, так бы мовіць, развітальнае турнэ”, — распавяла Ала Цупер.
