Аляксандр Глеб сёння прылятае ў Барселону

У Барселону сёння прылятае беларускі футбаліст Аляксандр Глеб. Пасля праходжання медагляду капітан нацыянальнай зборнай Беларусі мусіць падпісаць чатырохгадовы кантракт са знакамітым каталонскім клубам.

"Прессбол" паведамляе, што, пасля ўладжвання ўсіх справаў у лонданскім "Арсенале", Глеб некалькі дзён правёў у Мінску. Сёння раніцай ён разам са сваім менеджэрам Мікалаем Шпілеўскім са Штутгарта накіруецца ў Іспанію.