Аляксандра Глеба запрасілі з Бірмінгема ў Краснадар
Футбольны клуб "Краснадар", які дэбютуе ў расійскай прэм'ер-лізе, запрасіў гульца "Барселоны" беларуса Аляксандра Глеба.
Як паведамляе Lenta.ru са спасылкай на сайт "Советского спорта", 29-гадовы Глеб, які выступае на правах арэнды за англійскі "Бірмінгем", атрымаў вуснае запрашэнне аб пераходзе ў "Краснадар".
Па звестках "Советского спорта", краснадарскі клуб прапанаваў Глебу "фантастычныя ўмовы кантракту", аднак паўабаронца адмовіўся гуляць у расійскай прэм'ер-лізе. Выданне адзначае, што кіраўніцтва "Краснадара" усё яшчэ спадзяецца ўгаварыць Глеба на пераход.
