Амбасадар Украіны паслаў да д'ябла нямецкіх інтэлектуалаў
Амбасадар Украіны ў Германіі Андрэй Мельнік параіў "ісці да д'ябла" намейкім інтэлектуалам, якія заклікаюць да перамоваў з Расіяй, перадае hromadske.ua.
Група нямецкіх інтэлектуалаў, у якую ўвайшлі навукоўцы і журналісты, выступіла з адкрытым лістом. Яны заклікалі Захад спыніць вайну ва Украіне праз перамовы з Расіяй, а праз не ваенную падтрымку УСУ.
На думку падпісантаў, міжнародная супольнасць цяпер "не прыкладае ніякіх узгодненых намаганняў для пачатку перамоваў". На іх думку, з тупіка можа вывесці толькі "дыпламатычны наступ" і нельга лічыць, што Пуцін не хоча весці перамовы.
Падпісанты ліста лічаць перамогу Украіны ў вайне нерэальнай і прапануюць задумацца наконт правільнасці паставак заходняй зброі ва Украіну.
"Перамогу Украіны з адваёвай усіх акупаваных тэрыторый уключна з Данецкай і Луганскай абласцямі і Крымам ваенныя эксперты лічаць нерэалістычным, бо Расія дамінуе ў ваенным плане і мае магчымасці для далейшай ваеннай эскалацыі", — пішуць яны.
Андрэй Мельнік вядомы сваімі рэзкімі выказваннямі. Не так даўно ён абазваў канцлера ФРГ Олафа Шольца пакрыўджанай кілбасой.
