Амбасадары 9 краін атрымалі афіцыйны статус у Беларусі

Учора прэзідэнт Беларусі Аляксандр Лукашэнка прыняў даверчыя граматы амбасадараў 9 краін: Албаніі, Італіі, Катара, КНДР, Калумбіі, М’янмы, Нарвегіі, Танзаніі і Польшчы. Пасля гэтай афіцыйнай працэдуры амбасадары азначаных краін маюць паўнамоцтвы афіцыйна прадстаўляць свае краіны ў Беларусі. Вось як пракаментавала гэтую падзею Еўрарадыё прэс-сакратар польскай амбасады Моніка Садкоўская:

“Гэта было афіцыйнае дапаўненне да яго статусу. Зроблена гэта было дзеля таго, каб спадар амбасадар мог ужо афіцыйна прадстаўляць Польскую рэспубліку ў вашай краіне. Гэта насамрэч была фармальнасць, якая зацвярджае паўнамоцтвы польскага амбасадара”.