Андрэй Тур: забастоўкі пакуль няма, вось 10-га будзе
Як даведалася Еўрарадыё, прадпрымальнікі не бастуюць, яны адпачываюць. У першы тыдзень пасля Новага года беларусы сутыкнуліся з праблемамі: на рынках не купіць прадуктаў – большасць гандлёвых кропак не працуюць; на некаторых транспартных напрамках былі перабоі з маршрутнымі таксоўкамі. Ці можна разглядаць гэтую сітуацыю як забастоўку прадпрымальнікаў, не ведае нават старшыня савету прадпрымальнікаў гандлёвых цэнтраў сталіцы “Еўропа” і “Паркінг” Кацярына Чыжык:
“У гандлёвых цэнтрах працэнтаў 50 працуе. Вельмі цяжка зразумець. То яны кажуць, што бастуюць, то яны кажуць, што аформілі адпачынак і пакуль робяць дакументы. Канкрэтнай інфармацыі няма. Яны напісалі на дзвярах: па тэхнічных прычынах. Калі б яны напісалі: бастуем ці адпачынак… Але ж напісана: па тэхнічных прычынах”.
Кацярына Чыжык не можа дакладна сказаць, колькі прадпрымальнікаў аформілі адпачынак. А вось на Чыжоўскім рынку нам сказалі, што амаль усе ІПэшнікі на працу выйшлі:
“Усе амаль што выйшлі. Некаторыя проста ўзялі адпачынак і не аплочваюць месцы. Проста студзень – нехадавы месяц. І таму шмат хто з прадпрымальнікаў не гандлюе ў студзені. А так у нас ніякіх асаблівых сітуацыяў няма”.
Што тычыцца маршрутак, то кіраўнік аддзелу падрыхтоўкі конкурсаў і дагавораў дзяржпрадпрыемства “Сталічны транспарт і сувязь” Валер Сасіноўскі распавёў Еўрарадыё, што праблемы існуюць толькі на маршрутах, дзе працуюць ІПэшнікі. Ды і тое, гэта звязана з перарэгістрацыяй:
“Гэта ж не проста так: прыйшоў, памяняў дакументы, і ўсё. У ДАІ запытайце, чаму яны толькі раз на тыдзень праводзяць перарэгістрацыю дзяржнумароў. Потым у выканкамах пакуль яны нумар падаткаплацельшчыка атрымаюць, пакуль яны рахунак адкрыюць… Ну, самае меншае гэты чатыры дні праходзіць. Вось і набягае, што некаторыя прадпрымальнікі тыдзень не працуюць. Ды ніхто не бастуе, што вы!”
Спадар Сасіноўскі запэўніў Еўрарадыё, што хутка сітуацыя з маршруткамі выправіцца, ды й цяпер яна не крытычная:
“Прынамсі, у мяне сёння было толькі два званкі з гэтай нагоды ад пасажыраў. Яны скардзіліся, што машыны прыйшлі крыху пазней, чым звычайна. Усё пойдзе сваёй каляінай. І калі й ёсць нейкія праблемы, то гэта толькі на асобных маршрутах”.
Намеснік міністра эканомікі Андрэй Тур таксама лічыць, што да 10 студзеня гаварыць пра забастоўку рана, пакуль гэта толькі чуткі:
“Я думаю, што чуткі пускаюць не прадпрымальнікі, а тыя, каму гэта выгадна. Я не выключаю моманту, што хтосьці пачаў ужо раскручваць і сябе, і сваю палітычную платформу, і свае амбіцыі. З пункту гледжання забастовак пакуль нічога няма. Вось 10-га будзе. Там заклікаюць да забастовак, вось 10-га студзеня і паглядзім”.
Так што зачыненыя гандлёвыя кропкі – хутчэй за ўсё проста сведчанне таго, што прадпрымальнікі адпачываюць. Пра забастоўку можна будзе казаць, толькі калі ІПэшнікі выйдуць на вуліцу.
“У гандлёвых цэнтрах працэнтаў 50 працуе. Вельмі цяжка зразумець. То яны кажуць, што бастуюць, то яны кажуць, што аформілі адпачынак і пакуль робяць дакументы. Канкрэтнай інфармацыі няма. Яны напісалі на дзвярах: па тэхнічных прычынах. Калі б яны напісалі: бастуем ці адпачынак… Але ж напісана: па тэхнічных прычынах”.
Кацярына Чыжык не можа дакладна сказаць, колькі прадпрымальнікаў аформілі адпачынак. А вось на Чыжоўскім рынку нам сказалі, што амаль усе ІПэшнікі на працу выйшлі:
“Усе амаль што выйшлі. Некаторыя проста ўзялі адпачынак і не аплочваюць месцы. Проста студзень – нехадавы месяц. І таму шмат хто з прадпрымальнікаў не гандлюе ў студзені. А так у нас ніякіх асаблівых сітуацыяў няма”.
Што тычыцца маршрутак, то кіраўнік аддзелу падрыхтоўкі конкурсаў і дагавораў дзяржпрадпрыемства “Сталічны транспарт і сувязь” Валер Сасіноўскі распавёў Еўрарадыё, што праблемы існуюць толькі на маршрутах, дзе працуюць ІПэшнікі. Ды і тое, гэта звязана з перарэгістрацыяй:
“Гэта ж не проста так: прыйшоў, памяняў дакументы, і ўсё. У ДАІ запытайце, чаму яны толькі раз на тыдзень праводзяць перарэгістрацыю дзяржнумароў. Потым у выканкамах пакуль яны нумар падаткаплацельшчыка атрымаюць, пакуль яны рахунак адкрыюць… Ну, самае меншае гэты чатыры дні праходзіць. Вось і набягае, што некаторыя прадпрымальнікі тыдзень не працуюць. Ды ніхто не бастуе, што вы!”
Спадар Сасіноўскі запэўніў Еўрарадыё, што хутка сітуацыя з маршруткамі выправіцца, ды й цяпер яна не крытычная:
“Прынамсі, у мяне сёння было толькі два званкі з гэтай нагоды ад пасажыраў. Яны скардзіліся, што машыны прыйшлі крыху пазней, чым звычайна. Усё пойдзе сваёй каляінай. І калі й ёсць нейкія праблемы, то гэта толькі на асобных маршрутах”.
Намеснік міністра эканомікі Андрэй Тур таксама лічыць, што да 10 студзеня гаварыць пра забастоўку рана, пакуль гэта толькі чуткі:
“Я думаю, што чуткі пускаюць не прадпрымальнікі, а тыя, каму гэта выгадна. Я не выключаю моманту, што хтосьці пачаў ужо раскручваць і сябе, і сваю палітычную платформу, і свае амбіцыі. З пункту гледжання забастовак пакуль нічога няма. Вось 10-га будзе. Там заклікаюць да забастовак, вось 10-га студзеня і паглядзім”.
Так што зачыненыя гандлёвыя кропкі – хутчэй за ўсё проста сведчанне таго, што прадпрымальнікі адпачываюць. Пра забастоўку можна будзе казаць, толькі калі ІПэшнікі выйдуць на вуліцу.
