Арганізатараў Плошчы папярэджваюць пра крымінальную адказнасць

Асобы, якія заклікаюць грамадзянаў выйсці на плошчу, нясуць адказнасць за магчымыя наступствы, заявіў сёння тэлеканалу АНТ генеральны пракурор Беларусі Рыгор Васілевіч.  “Асобы, якія заклікаюць грамадзянаў выйсці на плошчу, выступаюць у якасці арганізатараў, такім чынам яны нясуць адказнасць за магчымыя наступствы, якія могуць надысці ў сувязі з правядзеннем гэтай масавай акцыі”, — цытуе Васілевіча БЕЛТА.

Генпракурор падкрэсліў, што гаворка можа ісці і пра крымінальную адказнасць.