Бабруйскага журналіста звальняюць з працы пасля артыкула пра выбары?
Журналіста Дзмітрыя Растаева звальняюць з працы пасля публікацыі "Гайд-парк па-бабруйску" ў газеце "Вечерний Бобруйск". У артыкуле журналіст даў фота і назваў імёны асноўных прэтэндэнтаў у прэзідэнты. Іх пікеты на выходных праходзяць у Бабруйску каля Цэнтральнага рынку. Ініцыятарам рэпрэсій супраць журналіста стаў намеснік старшыні гарвыканкама Міхаіл Кавалевіч, кажа ў сваім блозе Растаеў. Чыноўніку таксама не спадабаліся публікацыі журналіста ў “БелГазете”, дзе той вядзе рубрыку “Ў Бабруйск”.
