Бабруйскім парадзіхам будуць рабіць спінальную анестэзію

У Бабруйскай радзільні пачалі практыкаваць новы від абязбольвання родаў — спінальную анестэзію. Медыкі гавораць, што на дзецях гэта не адбіваецца.
Паслуга карыстаецца попытам сярод парадзіх, але для правядзення такога абязбольвання патрэбная пісьмовая згода жанчыны.

Ін’екцыя прэпарата уводзіцца ў спіна-мазгавы канал. Сярод пабочных эфектаў называюць галаўны боль, але ён хутка праходзіць. Найбольшы плён ад новаўвядзення медыкі бачаць пры кесаравым сячэнні.