Барадзін: Ігар Угольнікаў праваліў інфармацыйную палітыку саюзнай дзяржавы
У правале інфармацыйнай палітыкі "саюзнай дзяржавы" абвінаваціў кіраўніка тэлерадыёвяшчальнай арганізацыі гэтай структуры дзяржсакратар саюза Беларусі і Расіі Павел Барадзін. Паводле яго слоў, Угольнікаў "таньчыць у парыку, у бюстгальтэры, дзесяць мільёнаў траціць на тэле-радыё-арганізацыю саюзнай дзяржавы, але ніхто аб гэтым не ведае". Як паведамляе сайт totalweek.ru, Барадзін адзначыў, што гэтая сітуацыя будзе абмеркаваная на бліжэйшым пасяджэнні Савета міністраў "саюзнай дзяржавы", якое пройдзе 16 сакавіка ў Брэсце.
