Беларус Анатоль Гантварг выйграў міжнародны турнір па шашках
У шашачным турніры Salou Open, які завяршыўся ў Іспаніі, перамог міжнародны гросмайстар з Беларусі Анатоль Гантварг, перадае БЕЛТА. Па выніках дзевяці тураў ён набраў 14 ачкоў — пяць перамог і чатыры нічыіх.
Другое і трэцяе месцы дасталіся расіянам — Аляксандру Шварцману і Аляксандру Георгіеву.
Анатоль Гантварг перамог на гэтым турніры чацвёрты раз. Раней ён станавіўся пераможцам у 1998, 2000 і 2001 гадах.
У спаборніцтвах сярод жанчын прадстаўніца Беларусі Ірына Пашкевіч заваявала срэбра — 12 балаў, перамога дасталася расіянцы Матроне Нагавіцынай — 13 ачкоў.
У міжнародным турніры ў Салоу ўдзельнічалі 123 гульцы з 13 краін.
