Беларусь будзе эканоміць энергію па-еўрапейску

У Беларусі пры распрацоўцы комплексу мер у галіне энергазахавання будзе скарыстаны еўрапейскі досвед. Пра гэта паведаміў старшыня Дзяржаўнага камітэта па стандартызацыі Валерый Карашкоў.

Ён адзначыў, што ў цяперашні час Дзяржстандарт распрацоўвае каля 14 нарматыўных дакументаў, якія тычацца тэхнічнага пераабсталявання заводаў і фабарык сучасным энергазахавальным абсталяваннем, будаўніцтва будынкаў з выкарыстаннем наватарскіх канструкцый і матэрыялаў, якія дазваляюць захоўваць цеплыню, кантроль над выкарыстаннем электраэнергіі, пераход на мясцовыя віды паліва.

БелТА