Беларусь не пагражае Украіне, пакуль не вызвалены Херсон — разведка Украіны
Расійскія вайскоўцы ў Беларусі / Міністэрства абароны
Украіна ўмацавала мяжу з Беларуссю, але пакуль пагрозы ўварвання з боку Беларусі няма. Яна з'явіцца пасля таго, як Украіна вызваліць Херсон, лічыць кіраўнік украінскай разведкі Кірыл Буданаў. Ён таксама прагназуе, Херсон будзе вызвалены да канца лістапада.
— Прысутнасць расійскіх вайскоўцаў у Беларусі ў цяперашні час не такая вялікая. Там усяго каля 4300 вайскоўцаў. І яны вельмі абмежаваныя. Гэтая групоўка вельмі абмежаваная па цяжкіх сістэм ўзбраення і вялікую частку — каля 80 працэнтаў групоўкі — складае мабілізаваны асабісты склад.
Магу сказаць, што на дадзеным этапе пагрозы ўварвання з боку Беларусі няма. Але гэтая сітуацыя можа вельмі хутка змяніцца, калі Расія страціць Херсон. Тая баяздольная групоўка на Херсоне пасля адыходу з Херсона часткова будзе перадыслакаваная на Запарожскі кірунак, але частка іх можа перамясціцца на поўнач, у Беларусь, і стварыць там пагрозу, — кажа Буданаў.
