Беларусь павысіць тарыфы на транзіт расійскай нафты без згоды Масквы
Беларусь з 1 лютага павысіць тарыфы на транзіт расійскай нафты і нафтапрадуктаў па сваёй тэрыторыі. Павышэнне складзе больш як 6%, перадае БЕЛТА са словаў міністра антыманапольнага рэгулявання і гандлю Уладзіміра Калтовіча.
Міністр паведаміў, што перамовы з расійскімі калегамі па гэтым пытанні скончыліся безвынікова. "Таму набывае моц артыкул інструкцыі, згодна з якой вызначаны парадак павышэння тарыфаў на транзіт нафты: гэта сярэднегадавы тэмп інфляцыі, вызначаны прагнозам Расійскай Федэрацыі, павялічаны на тры адсоткавыя пункты", — патлумачыў ён.
Калтовіч дадаў, што ў Беларусі і Расіі ёсць рознагалоссі наконт вызначэння тарыфаў.
Беларусь яшчэ ў 2019 годзе хацела павысіць тарыф на 16,6%, каб кампенсаваць страты ад пастаўкі "бруднай" нафты. Але тады Расія заблакавала гэтае рашэнне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
