Беларусь вядзе перамовы аб набыцці расійскай электраэнергіі

У 2008 годзе Беларусь плануе імпартаваць з Расіі 5 мільярдаў кілават-гадзін электраэнергіі. Пра гэта паведаміў начальнік галоўнага ўпраўлення паліўна-энергетычнага комплексу, хімічнай і фармацэўтычнай прамысловасці Міністэрства эканомікі Раман Шырма.
Паводле яго слоў, не выключана, што гэты аб'ём можа быць павялічаны. Пытанне паставак вырашыцца падчас беларуска-расійскіх перамоў, якія пачаліся сёння ў Маскве.

Шырма паведаміў, што Беларусь таксама разглядае магчымасць імпарту электраэнергіі з Украіны і вядзе перамовы з Кіевам.

БЕЛТА