Беларускіх студэнтаў адправяць у Кітай

Міністэрства адукацыі Беларусі прадаставіць стыпендыі студэнтам, аспірантам і стажорам для навучання ў Кітаі ў 2007-2008 навучальным годзе. Навучэнцы павінны валодаць кітайскай мовай, а стажоры і аспіранты — ангельскай. Навучанне запланавана на тэрмін ад 3 месяцаў да 1 года.

Па дадзенай праграме сваіх студэнтаў збіраецца адправіць Беларускі дзяржаўны універсітэт інфарматыкі і радыёэлектронікі.

Прычым наша ўстанова аплачвае праезд ад Мінска да Пекіна ў два бакі. Транспартныя выдаткі ў Кітаі аплачвае прымаючы бок.

Стыпендыяты вызваляюцца ад аплаты за навучанне, пражыванне, карыстанне падручнікамі, ім выплачваецца стыпендыя кітайскім універсітэтам, паведамляе БЕЛТА.