Беларусы раскупілі марлевыя маскі ў беластоцкіх аптэках

Скупіўшы ўсе маскі ў аптэках нашай краіны, беларусы перакінуліся на суседнюю Польшчу

У беластоцкіх аптэках практычна немагчыма купіць ахоўных масак – прытым, што ў горадзе ёсць прадпрыемства, якое выпускае гэтыя маскі, а ў публічных месцах няма людзей у масках. У адной з гарадскіх аптэк карэспандэнту Еўрарадыё распавялі, што маскі раскупілі беларусы.

Аптэкарка: “Выкупілі ўсе маскі ў апошнія дні. Шмат беларусаў прыязджалі і куплялі”.