Бернд Штанге пакуль не вырашыў, ці застанецца ў зборнай

Галоўны трэнер зборнай Беларусі па футболе Бернд Штанге пакуль не агучыў свае планы наконт працягу працы з нашай камандай. Раней нямецкі спецыяліст абяцаў вызначыцца пасля матчу з Чарнагорыяй, які адбыўся ўчора ў Падгорыцы. Яго беларусы прайгралі 0:1. Між тым, канчатковае рашэнне пра лёс трэнера будзе прынята 28 лістапада. Пра гэта Еўрарадыё распавялі у прэс-службе Федэрацыі футбола.

БФФ: “Рашэнне будзе прымацца 28-га лістапада, калі адбудзецца пасяджэнне выканкама. Ну, і адпаведна там будзе прымацца рашэнне: застаецца Бернд Штанге ці не. Ну яшчэ не забывайце пра тое, што ён таксама прымае рашэнне застацца ці не. То бок не ўсё залежыць ад выканкама”.