Бернд Штанге вярнуў у зборную Вячаслава Глеба

Беларускі футбольны дэсант высадзіцца на Мальце 1 лютага. Нацыянальная зборная Беларусі па футболе раніцай паляціць туды для ўдзелу ў міжнародным турніры.  Да першага матча са зборнай Ісландыі, які адбудзецца 2 лютага, пад кіраўніцтвам Бернда Штанге будуць рыхтавацца варатары – Аляксандр Лянцэвіч, Сяргей Вяромка; абаронцы – Сяргей Амельянчук, Ягор Філіпенка, Павел Пласконны, Раман Кірыенкін, Кірыл Паўлючык, Ігар Шытаў, Мікалай Асіповіч; паўабаронцы – Аляксандр Кульчы, Аляксандр Паўлаў, Сяргей Крывец, Максім Рамашчанка, Антон Пуціла (калі яго адпусцяць з “Гамбурга”); нападаючыя – Раман Васілюк, Сяргей Карніленка, Вячаслаў Глеб, Віталь Булыга, Генадзь Блізнюк.

Яны ж згуляюць 4 лютага са зборнай Арменіі.

А вось на апошні паядынак супраць гаспадароў поля трэнеры чакаюць прыбыцця падмацавання ў асобах галкіпераў Юрыя Жаўнова і Антона Амельчанкі, паўабаронцаў Аляксандра Глеба, Уладзіміра Карыцькі, Мікалая Кашэўскага, Цімафея Калачова, а таксама нападаючага Віталя Кутузава.

БЕЛТА