Болей за 4,5 тысячы жанчын служаць у беларускім войску
Пра гэта паведамляе Міністэрства абароны.
У ведамстве ўдакладняюць, што 500 жанчын-вайскоўцаў — афіцэры (у тым ліку 53 падпалкоўнікі і 4 палкоўнікі), а каля 1,1 тысячы — прапаршчыкі. Пры гэтым агульная колькасць жанчын-афіцэраў за апошнія 10 гадоў павялічылася ўтрая.
Пераважная большасць афіцэраў-жанчын праходзяць службу на пасадах ваенных дактароў, псіхолагаў, перакладчыкаў, юрыстаў. Некаторыя ўзначальваюць аддзяленні ў вайсковых камісарыятах.
Як адзначаюць у Міністэрстве абароны, сёння ў жанчыны ёсць рэальная магчымасць стаць афіцэрам, галоўнае, каб узрост прэтэндэнтак не перавышаў 35 гадоў, а вышэйшая адукацыя была роднаснай вайсковай спецыяльнасці, перадае БЕЛТА са спасылкай на прэс-службу Мінабароны.
