Бразільскія прадпрыемствы з’явяцца на Міншчыне

Міншчына і бразільскі штат Гаяс плануюць стварэнне сумесных прадпрыемстваў. Пра гэта заявілі ў Мінаблвыканкаме падчас сустрэчы з дэлегацыяй лацінаамерыканскай краіны. Бразільцы ўжо наведвалі сталічны рэгіён амаль месяц таму. Тады былі вызначаныя прыкладныя накірункі сумеснай работы. Зараз жа бакі падпісалі адмысловае пагадненне аб супрацоўніцтве.

Штат Гаяс — аграрны, таму бразільцаў цікавіць сельгастэхніка і калійныя ўгнаенні, паведамляе тэлеканал СТВ.