Брэсцкія даішнікі ладзяць дыскатэкі для кіроўцаў

Брэсцкія дарожныя міліцыянты ў рамках аперацыі “Малады кіроўца” праводзяць па вобласці дыскатэкі. Яны ўжо адбыліся ў Брэсце і Баранавічах. На чарзе іншыя гарады і мястэчкі вобласці.  Прэс-аташэ Брэсцкай абласной ДАІ Наталля Сахарчук удакладніла: 

Гэта дыскатур “Жыць па правілах”.  Бо асноўныя парушэнні маладых кіроўцаў — гэта п’янства за рулём і наезд на пешаходаў, няпропуск пешаходаў.

Дзеля пераадолення п'янства, паводле спадарыні Сахарчук, робіцца шмат:

Вось прыдарожныя кавярні. Ніводнай няма, каб там не было ДТП са смяротным вынікам. Дык мы з уладальнікамі дамовіліся: там круцяць відэа з DVD – інтэрв’ю з кіроўцамі, якія забілі людзей. Забаранілі з 22-х да васьмі раніцы продаж спіртных напояў.