Cranberries адпраўляюцца ў сусветнае турнэ

Ірландскі гурт Cranberries, які распаўся ў 2003-м годзе і ўз’яднаўся ў жніўні бягучага года, аб’явіў даты свайго сусветнага тура. Па паведамленні брытанскага выдання NME, тур пачнецца ў амерыканскім Балціморы 12-га лістапада. Пасля гастроляў па Паўночнай Амерыцы, Cranberries праедуцца па Еўропе.

“Я вырашыла ўз’яднацца са сваімі былымі калегамі, каб выконваць не толькі свае новыя песні, але і нашыя хіты, — кажа 38-гадовая Далорэс О’Рыёрдан. — Апроч таго, мы збіраемся пісаць новыя песні. Я вельмі хачу зноў пабачыць нашых прыхільнікаў”.

Нагадаем, гурт Cranberries узнік у 1989-м годзе. На рахунку гурта 5 студыйных альбомаў.

Фота: imhonet.ru