Дэпутаты будуць вывучаць пытанне Паўд. Асеціі і Абхазіі да канца сакавіка

Пытанне пра разгляд зваротаў у справе прызнання незалежнасці Паўднёвай Асеціі і Абхазіі вывучаецца ў Палаце прадстаўнікоў і пакуль не ўносілася ў праект павесткі веснавой сесіі, якая адкрыецца 2 красавіка.
Як паведамілі "Інтэрфаксу" ў Палаце прадстаўнікоў, разгляд працягнецца да канца сакавіка.

Нагадаем, раней у Еўрапарламенце заяўлялі, што прызнанне Мінскам незалежнасці Паўднёвай Асеціі і Абхазіі стане перашкодай для ўключэнне Беларусі ў новую праграму ЕС "Усходняе партнёрства".