Эльжбета Радзівіл таемна пабывала ў Беларусі (Фота)

92-гадовая княгіня трэці раз за апошні год наведала родны Нясвіж! Яна была ў добрым гуморы і нават раздавала аўтографы, фатаграфавалася са сваімі прыхільнікамі. Незадавальненне выклікала, як і ў мінулым годзе, перабудаваная вежа-цыбуліна на замку. Эксклюзіўны фотарэпартаж - толькі на Еўрарадыё.
Пані Эльжбета была ў добрым гуморы і сфатаграфавалася з прадаўцом сувеніраў у Нясвіжы, які, у сваю чаргу, адмовіўся браць у княгіні грошы і падараваў ёй усё, што пані Эльжбета выбрала: 4 магніцікі з выявай замка і два гліняныя медальёны з гербам Радзівілаў.


Цёплая сустрэча ў двары нясвіжскага касцёла Божага Цела.


Размова ў замку: дырэктар музея-запаведніка "Нясвіж" Валерый Сталярчук і князь Мацей Радзівіл.


Мікалай і Мацей Радзівілы, Валерый Сталярчук, Эльжбета Радзівіл.


Абмеркаванне ў замкавай капліцы, якая цяпер аднаўляецца.


У замкавым двары.




Мінск, каля Дома Ваньковіча, дзе княгіня разглядала два партрэты з Нясвіжскага замка.


У Нацыянальным гістарычным архіве Беларусі.


Эльжбета Радзівіл - апошні ў свеце чалавек, які ведаў усіх людзей са здымкаў асабіста.


Некалькі разоў пані Эльжбету пазнавалі на вуліцы і падыходзілі па аўтограф.


У свае 92 гады пані Радзівіл піша ўпэўнена і цвёрда.


Падчас гэтага прыезду княгіня была вельмі задаволеная!