Enter Shikari у Мінску: Вы за***сь! Распранайцеся! (фота)

Enter Shikari сёлета быў прызнаны найлепшым канцэртным гуртом паводле Альтэрнатыўнай музычнай прэміі АІМ. Пасля мінскага канцэрта каманды Еўрарадыё наўрад ці здолее з гэтым спрачацца.

Падчас шоў фронтмэн Роўтан Рэйнальдс бясстрашна і бязлітасна стэйдждайвіць, лётае пад купалам цырка і сёрфіць па ашалелым натоўпе на танцполе на дошцы для прасавання, знойдзенай у грымёрцы клуба.

“Вы за***сь! Распранайцеся!” — прапануюць музыкі і ў адказ на сцэну лятуць дзясяткі ботаў, красовак і іншых пантофляў, якія не трымаюцца на нагах ўдзячных прыхільнікаў у шалёным слэме.

Роўтан Рэйнальдс у абдымках танцпола

Адмысловы тэхнік, які трымае шнур ад мікрафона, па якім толькі і можна вызначыць, дзе менавіта ў натоўпе патануў фронтмэн Enter Shikari