ЕС робіць праверку дакументаў пры ўездзе ў Шэнгенскую зону больш жорсткай
ЕС робіць праверку дакументаў пры ўездзе ў Шэнгенскую зону больш жорсткай. 7 сакавіка Савет Еўрасаюза ўхваліў папраўкі ў Шэнгенскі кодэкс.
Як інфармуе прэс-служба Савета ЕС, новаўвядзенне адносіцца і да наземных, і да паветраных ды марскіх межаў. Мяркуецца, што з яго дапамогай удасца зрабіць больш эфектыўнай барацьбу з тэрарызмам, нелегальнай міграцыяй, з арганізаванай злачыннасцю. Падчас праверкі дакументаў пры ўездзе ў Шэнгенскую зону будуць выкарыстоўваць Шэнгенскую базу дадзеных і базу дадзеных Інтэрпола пра страчаныя і скрадзеныя дакументы.
Папраўкі ў заканадаўства пачнуць дзейнічаць праз 20 дзён пасля публікацыі ў афіцыйным выданні ЕС.
