Еўракамісія накіравала Польшчы прэтэнзіі наконт судовай рэформы
Еўракамісія накіравала Польшчы фармальны ліст аб парушэнні еўрапейскага заканадаўства ў сувязі з судовай рэформай, якая адбываецца ў гэтай краіне. У лісце Еўракамісія адзначае, што рэформа пагражае незалежнасці польскіх суддзяў, бо дае Мінюсту права прызначаць і звальняць старшыняў судой і працягваць (або не працягваць) паўнамоцтвы суддзяў, якія дасягнулі пенсійнага ўзросту.
Апроч таго, Еўракамісія лічыць дыскрымінацыяй вызначаны рэформай розны ўзрост выхаду на пенсію для жанчын і мужчын, якія працуюць суддзямі.
Польшча павінна адказаць на прэтэнзіі цягам месяцу. Ёй пагражаюць слуханні ў Еўрапейскім судзе і штраф, паведамляюць замежныя СМІ.
Нядаўна польскі парламент прыняў некалькі законаў, якія прадугледжвалі падпарадкаванне Мінюсту Вярхоўнага суда і змяненне парадку фармавання Нацыянальнай судовай рады. Гэтыя законапраекты прывялі да масавых пратэстаў.
Прэзідэнт Польшчы Анджэй Дуда наклаў вета на два з трох законапраектаў, але падпісаў той, які дае Мінюсту права прызначаць старшыняў суддзяў агульнай юрысдыкцыі без узгаднення з судовай уладай.
