Федэрацыя прафсаюзаў Беларусі выдаткуе мільярд рублёў на развіццё біятлона

Федэрацыя прафсаюзаў Беларусі на 2009-2010 гады выдаткуе 1 мільярд рублёў на развіццё біятлона. Сёння адбылося падпісанне дамовы аб узаемадзеянні па развіцці гэтага віду спорту паміж Беларускай федэрацыяй біятлона і ФПБ, паведамляе БЕЛТА.
Выдаткаваныя сродкі плануецца накіроўваць, у першую чаргу, на ўмацаванне матэрыяльна-тэхнічнай базы, рэканструкцыю і будаўніцтва біятлонных цэнтраў, дапамога спартовым школам, павелічэнне колькасці спаборніцтваў, прыцягненне трэнерскіх кадраў.