Франак Вячорка адлічаны з факультэта журналістыкі БДУ, ён не здаў два іспыты
З трэцяга курса факультэта журналістыкі Беларускага дзяржуніверсітэта адлічаны студэнт-выдатнік, актывіст Партыі БНФ Франак Вячорка. Ён кажа, што стаў ахвярай “аператыўнай зачысткі”, праведзенай пасля візіта ў БДУ Аляксандра Лукашэнкі:
“Я прыйшоў да дэкана журфака Сяргея Дубовіка. Ён сказаў, што ёсць загад аб маім адлічэнні “за акадэмічную непаспяховасць”, падпісаны прарэктарам… Дубовік сказаў, што не ён вырашаў гэта. І я зразумеў, што рашэнне прынятае “на самым версе”.
Выкладчыкі Вячоркі сцвярджаюць, што ён не здаў два іспыты, да якіх аказаўся негатовы. Нагадаем, у студзені-лютым Франак правёў у турме на Акрэсціна 15 сутак адміністрацыйнага арышту. За гэты час ён прапусціў якраз гэтыя іспыты, не змог прыйсці і на пераздачу. Заставаўся шанец здаць іх адмыслова створаным камісіям.
Вось што распавяла Еўрарадыё старшыня камісіі, якая прымала ў Вячоркі іспыт па рускай літаратуры 1-й паловы ХХ стагоддзя, Людміла Саянкова:
“Не ведаю, да якога іспыта ён рыхтаваўся ці не рыхтаваўся, але па дысцыпліне, па якой я была старшынёй камісіі, ён быў не гатовы. Гэта я вам скажу шчыра. У мяне больш прэтэнзій ніякіх няма, толькі па навучальнай частцы. І калі б гэта быў не Франак, а іншы студэнт, з такім адказам вынік быў бы дакладна такі ж. Мы былі б рады паставіць яму большую адзнаку, я была б радая, абсалютна шчыра вам кажу”.
Але Франак Вячорка збіраецца падаваць у суд і на рашэнне пра адлічэнне, і на рашэнні камісій, і патрабаваць аднаўлення ва універсітэце.
“Я прыйшоў да дэкана журфака Сяргея Дубовіка. Ён сказаў, што ёсць загад аб маім адлічэнні “за акадэмічную непаспяховасць”, падпісаны прарэктарам… Дубовік сказаў, што не ён вырашаў гэта. І я зразумеў, што рашэнне прынятае “на самым версе”.
Выкладчыкі Вячоркі сцвярджаюць, што ён не здаў два іспыты, да якіх аказаўся негатовы. Нагадаем, у студзені-лютым Франак правёў у турме на Акрэсціна 15 сутак адміністрацыйнага арышту. За гэты час ён прапусціў якраз гэтыя іспыты, не змог прыйсці і на пераздачу. Заставаўся шанец здаць іх адмыслова створаным камісіям.
Вось што распавяла Еўрарадыё старшыня камісіі, якая прымала ў Вячоркі іспыт па рускай літаратуры 1-й паловы ХХ стагоддзя, Людміла Саянкова:
“Не ведаю, да якога іспыта ён рыхтаваўся ці не рыхтаваўся, але па дысцыпліне, па якой я была старшынёй камісіі, ён быў не гатовы. Гэта я вам скажу шчыра. У мяне больш прэтэнзій ніякіх няма, толькі па навучальнай частцы. І калі б гэта быў не Франак, а іншы студэнт, з такім адказам вынік быў бы дакладна такі ж. Мы былі б рады паставіць яму большую адзнаку, я была б радая, абсалютна шчыра вам кажу”.
Але Франак Вячорка збіраецца падаваць у суд і на рашэнне пра адлічэнне, і на рашэнні камісій, і патрабаваць аднаўлення ва універсітэце.
