Французскія элітарныя ВНУ будуць прымаць траціну бедных

Найлепшыя французскія вышэйшыя школы, у тым ліку прэстыжныя факультэты кіравання, інжынерыі або гандлю абяцаюць, што за 3 гады павялічаць да 30% колькасць бедных студэнтаў. Гэтага рашэння гадамі дамагаўся ад рэктараў урад.
Традыцыйна прэстыжныя вышэйшыя школы завуцца ў Францыі "вялікімі школамі” (“grandes ecoles") і пастаўляюць краіне яе навуковую, кіраўнічую, эканамічную, палітычную і гандлёвую эліты, нагадвае Onet.pl.

Агулам “вялікіх школ” у Францыі каля 300. Яны цэняцца нашмат вышэй, чым універсітэты, якіх больш за 80.